Wenn ma diaf ins Glasl schaugt,
diafa, ois oam einglich daugt,
werd ma blau, dalebt mitunter
auf m Hoamweg s seibe Wunder,
steit d Polizei beim Alkotest
kaum no a Bluat im Körper fest.
Des is aber koa blaus Bluat;
wei sowos hod ma vo Geburt.

Grün werd ma vor Neid
und bei starker Übelkeit.
Nimmt letztre überhand,
is ma weiß wia d Wand.

Da oa sigt schwarz, da ander rot.
Und in da ollagrößten Not
huift oam d rosarote Bruin
an Blick mit schene Sachan fuin.
Se schwarz ärgern is vakehrt,
ma konn aa wartn, bis ma s werd.

Jahrzehnte kenna goidn sei.
Und lodt oam jemand lächlnd ei:
"Kumm an mei grüne Seiten",
dann winka rosige Zeiten.

Grau is olle Theorie,
aa de Maus vo vis-à-vis.
Und olle Katzn in der Nacht
ham de Farb zua eahnan gmacht.

Ma moanat, bei der Farbpalettn,
daß olle gnua zur Auswahl hättn.
Doch seng, bedauerlicherweis,
de meisten nur in schwarz und weiß.
Es ist keine Schande, nichts zu wissen; aber es ist eine Schande, nichts lernen zu wollen.

Hallo dmuenchnerin,

ein wenig stört mich die Wiederholung von rosig und schwarz - ich hätte das Gedicht um diese gerne gekürzt und damit würziger gelesen. Allerdings muss ich sagen, dass Dein Schlußwort doch als Pointe wieder zu überraschen vermag und mir der leicht derbe Humor sehr gefällt.
Inwiefern hier tatsächlich Metrikfehler zu finden sind, mag ich in meiner stockenden Leseweise des bayrischen nicht beurteilen. Ich hoffe, ich finde mich auf Dauer aber besser in Deiner Mundart zurecht.

Lieben Gruß
Nina