War s erste Mal im Lebn
in da Oper: Parsifal hat s gebn.
Auf de Idee wär i nia kumma:
hob a gschenkte Kartn gnumma.

Zerst war bloß Musi - ohne Singa,
ums Publikum in Stimmung z bringa.
Dann hams an Vorhang ghobn
und auf da Bühne drobn
a solchana Vahau!
Stoa- und Metallblöck, oiss in grau,
Stoffrest über d Deckn gspannt,
und a Baugrüst no am Rand.
Des hod bestimmt der Fima ghert,
von der de Bühne aufbaut werd.

Dann hams guade vier Stund gsunga.
Wos, is zu mir ned durchdrunga.
I hob dann zuagschaut, wos de macha;
da Musi nach wars nix zum Lacha:
Koa Melodie, de oan beschwingat
und de ma selber aa gern singat.
Manchmoi hod mas fast ned ghert,
dann hod auf oamoi s Blechzeug plärrt.

A Frau hod mit a Hauptrolln gspielt;
sie hod d Bühne bsonders gfüllt.
Sie is oa-, zwoamoi gstorbn,
dann wiederbelebt wordn,
hod weitergsunga - woaß ned recht,
vielleicht war ihra aa bloß schlecht?

Dann war no wos mit Pfeil und Bogn,
a Papperdeckel-Schwan is gflogn.
Paar junge Madl, halbad nackert,
ham an feschen Kerl anbaggert.
Der hod se dann a Schachterl greit
und olle ham se drüber gfreut.
Warums vor eahm auf d Knia gfalln sann,
Hob i leider ned erfahrn.

Um wos bei dera Oper geht,
woaß i bis heut no ned.
Gfalln hods ma aber scho!
Des woaß i - aus m Feuilleton.
Es ist keine Schande, nichts zu wissen; aber es ist eine Schande, nichts lernen zu wollen.

Hey dmuenchnerin,

das heisst etwas, wenn man mich zu dieser unheiligen Morgenstunde bereits so zum Lachen bringen kann. Ich mag übrigens prinzipiell die Opder, nur diese neumodischen Inszenierungen rauben tatsächlich auch mir das Vergnügen. Eine bessere Persiflage darauf kann kaum gelingen.

Der Dialekt tut sein übriges - ob ich Hamburger Deern in der Lage wäre, es laut vorzutragen, sei allerdings dahingestellt.

Die Schlußstrophe bringt es dann zur Spitze - Du hast nichts ausgelassen, was derzeit so das kutlurelle Geschehen prägt.

Danke für die wunderbare Unterhaltung
Nina

dmuenchnerin, hallo, nu woas i endli woas des is, worum de Leit mach´n so´n Geschiss ! Mein bayerisch ist zwar nicht das Beste, kenne Fuerstenfeldbruck und Kaufbeuren ( Flugplätze BW) aber gefreut hat ´s mich diesen Spaß zu lesen! Das hast du prima hingekriegt, alle Achtung!!
Aufi !
Beste Grüsse,
winni