Hod oan da Sensenmo umgmaaht
und werd ma nauf in Himmi gwaaht,
reiht ma se ei am Haupteingang,
d Warteschlanga is nia lang.
Da Engelausweis werd ausgsteit,
Da neia Namma war scho gwäiht:
Koa Ahnung, wer se den ausdenkt!
Ma kriagt no sei weiß Gwand umghängt,
is fertig, wui scho Dankschön song,
hod aber doch no was zum frong:
"Ja, und Flügel kriag i koa?
Wachsn ma de vo alloa?"
In da Schreibstubn frommes Lacha:
"Do muaßt erst an Flugschein macha!"

Am nächsten Dog de erste Stund.
D Lernflügl sann knoibunt,
damit se d Schüler scho vo weitn
vo de Profis unterscheidn.
As Flüglschlong an Ort und Stei
lernt ma ziemlich schnei.
Da Lehrer schärft uns bsonders ei:
"Fliagts nia in graue Woikn nei!"
Dann geht s ums Grodausfliang,
ums Bremsen und a Kurvn kriang.
Scho boid saus i mit Mords Effet
wia friahra mit meim BMW.

Am letztn Dog im Schui-Parcour
fliag i mei letzte Lehrlingstour:
Bring an Turbo zum Aufjuchzen
und Schuiterglenk zum Schluchzen.
Vor mir a graue Woiknwand,
konn ned auweicha - und nimms dant.
D feichte Kältn auf de Schwinga
bringt d Kondition ins Schlinga.
Und mit jedm Flüglschlong
leert se de Last, de d Woikn drong.

Damit is klar, wanns warum rengt:
weil üba uns a Flugschui hängt.

Es ist keine Schande, nichts zu wissen; aber es ist eine Schande, nichts lernen zu wollen.

Eine Bayerin durch und durch!

Sowas liest man selten, und wer den Dialekt nicht kennt, dürfte damit seine liebe Not haben. Ich jedoch habe mich köstlich amüsiert, einige nette Ideen! Zum Schluss eine sehr gute Pointe.

Als ein Halbbayer beherrsche ich den Dialekt nicht ganz so gut, deswegen wage ich keine Analyse der Metrik, obwohl ich das gerne getan hätte. Weil ich das Gefühl habe, dass manche Verse noch ein wenig rumpeln.

Wie dem auch sei, es war ein großer Spaß, es zu lesen!

Liebe Grüße
Nitro

____________________________________________________
Früher war ich eitel, jetzt bin ich perfekt.
--W.C. Fields

Na dmuenchnerin, des is jo a Mords-Gaudi !

A guts G´dichterl
Liabe Grüass,
winni